ಬೆಳಗಾವಿ: 13 ಜಾನುವಾರುಗಳು ಸಾವನ್ನಪ್ಪಿವೆ.

ಬೆಳಗಾವಿ: ಹುಕ್ಕೇರಿ ತಾಲೂಕಿನ ಇಸ್ಲಾಂಪುರ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಹಳೆ ವಂಟ್ಮೂರಿ ಗ್ರಾಮದಲ್ಲಿ ವಿದ್ಯುತ್ ಸ್ಪರ್ಶದಿಂದ 13 ಜಾನುವಾರುಗಳು ಮೃತಪಟ್ಟಿವೆ. ಗ್ರಾಮದ ಮೂವರು ಒಟ್ಟಿಗೆ ದನ ಮೇಯಿಸಲು ಹೋಗಿದ್ದರು. ಸಂಜೆ ವೇಳೆಗೆ ದನಗಳನ್ನು ತಮ್ಮ ಮನೆಗಳಿಗೆ ಕೊಂಡೊಯ್ಯುತ್ತಿದ್ದ ವೇಳೆ ಹಳೇ ವಂಟ್ಮೂರಿ ಬಳಿಯ ಕರಿಕಟ್ಟಿ ರಸ್ತೆಯಲ್ಲಿ ವಿದ್ಯುತ್ ಕಂಬಕ್ಕೆ ಸಿಲುಕಿ 13 ಜಾನುವಾರುಗಳು ಸ್ಥಳದಲ್ಲೇ ಸಾವನ್ನಪ್ಪಿವೆ.

ಮುತ್ತಪ್ಪ ಬಸರಗಿ ಅವರ 4 ಹಸು 2 ಹೋರಿಗಳು, ಲಕ್ಷ್ಮಣ ಕಿಲರಗಿ ಅವರ 1 ಹಸು 1 ಎಮ್ಮೆ ಹಾಗೂ ಯಲ್ಲವ್ವ ಮಾಸ್ತಿ ಅವರ 5 ಹಸುಗಳು ಸ್ಥಳದಲ್ಲೇ ಸಾವನ್ನಪ್ಪಿವೆ. ಗ್ರಾಮದ ಆಡಳಿತಾಧಿಕಾರಿ ವಿಠ್ಠಲ ಬುಕ್ನಟ್ಟಿ, ಕಂದಾಯ ನಿರೀಕ್ಷಕ ಸಿ.ಕೆ. ಕಳಕಂಬಕರ, ಪಿಎಸ್ ಐ ಎಸ್.ಕೆ. ಮನ್ನಿಕೇರಿ, ಪಶುವೈದ್ಯಾಧಿಕಾರಿ ಸಿದ್ಧಾರೂಢ ಮೊಕಾಶಿ, ಸಚಿವ ಸತೀಶ ಜಾರಕಿಹೊಳಿ ಅವರ ಆಪ್ತ ಮಾರುತಿ ಗುಟಗುದ್ದಿ ಸ್ಥಳಕ್ಕೆ ಭೇಟಿ ನೀಡಿದ್ದರು.