ಬೆಳಗಾವಿ: ಪಾರ್ಟಿಗೆ ತೆರಳಿದ್ದ ಯುವಕನೊಬ್ಬ ನದಿಯಲ್ಲಿ ಮುಳುಗಿ ಸಾವನ್ನಪ್ಪಿದ್ದಾನೆ.

 

ಬೆಳಗಾವಿ - ಖಾನಾಪುರದ ರೈಲ್ವೆ ನಿಲ್ದಾಣದ ಬಳಿಯ ಹಾಲತ್ರಿ ನದಿಯಲ್ಲಿ ಯುವಕನೊಬ್ಬ ಮುಳುಗಿ ಸಾವನ್ನಪ್ಪಿರುವ ಘಟನೆ ಭಾನುವಾರ ಸಂಜೆ ಐದು ಗಂಟೆಗೆ ಬೆಳಕಿಗೆ ಬಂದಿದೆ. ಈ ಬಗ್ಗೆ ದೊರೆತ ಮಾಹಿತಿ ಪ್ರಕಾರ ಖಾನಾಪುರ ರೈಲು ನಿಲ್ದಾಣ ಸಮೀಪದ ಹಳೇ ಮಂಚಾಪುರ ರಸ್ತೆ ಕಾಲೋನಿ ನಿವಾಸಿ ರವಿಕೃಷ್ಣ ಬದ್ಲಂಗೋಳ್ (ವಯಸ್ಸು 24) ತನ್ನ ಸ್ನೇಹಿತರೊಂದಿಗೆ ಹಾಲತ್ರಿ ನದಿ ದಡದಲ್ಲಿ ಪಾರ್ಟಿಗೆ ತೆರಳಿದ್ದರು.

ಪಾರ್ಟಿ ಮಾಡಿ ನದಿಗೆ ಹೋಗಿ ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿರುವ ಶಂಕೆ ವ್ಯಕ್ತವಾಗಿದೆ. ಈ ಬಗ್ಗೆ ಆತನ ಕುಟುಂಬಸ್ಥರಿಂದ ಮಾಹಿತಿ ಪಡೆದ ಪೊಲೀಸರು, ಅಗ್ನಿಶಾಮಕ ದಳದ ಸಿಬ್ಬಂದಿ ಹಾಗೂ ಸಂಬಂಧಿಕರು ಶವವನ್ನು ಈ ಸ್ಥಳದಲ್ಲಿ ಹುಡುಕಲು ಯತ್ನಿಸಿದರು. ಆದರೆ ಕತ್ತಲಾಗಿದ್ದರಿಂದ ಮೃತದೇಹದ ಹುಡುಕಾಟ ಸ್ಥಗಿತಗೊಂಡಿದೆ. ರವಿ ಬದ್ಲಗೋಳ ಅವರ ತಂದೆ ತಾಯಿಗೆ ಒಬ್ಬನೇ ಮಗು. ಅವರ ತಂದೆ ಇಲ್ಲಿನ ಟೈಲ್ಸ್ ಫ್ಯಾಕ್ಟರಿಯಲ್ಲಿ ಕೆಲಸ ಮಾಡುತ್ತಿದ್ದಾರೆ.